2025-ի հունվարը բավական տաք կլինի։ Այս մասին հայտնել է «Հիդրոմետեորոլոգիայի եւ մոնիթորինգի կենտրոն» ՊՈԱԿ փոխտնօրեն Գագիկ Սուրենյանը։
Ըստ Սուրենյանի՝ ջերմաստիճանը 3-5 աստիճանով ավելի բարձր կլինի նորմից, տեղումները կլինեն նորմից ցածր։ Հունվարի առաջին տասնօրյակին ցերեկը բոլոր մարզերում զրոյից բարձր կլինի, Տավուշում՝ մինչեւ պլյուս 18։
Շիրակում սառը զանգվածների ներթափանցմամբ սպասվում է մինչեւ մինուս 18։
Արարատի մարզում՝ մինչեւ մինուս 7-10։
Ըստ Սուրենյանի՝ սա մեծ սառնամանիք չէ.
դիտարկումների պատմությունը գրանցել է նաեւ մինուս 30 Արարատի մարզում։ Երեւանում առավելագույն ցածր ջերմաստիճանը հունվարին սպասվում է 8-10 աստիճան մի քանի գիշեր։
Ձյան ծածկը ընդհանուր առմամբ ավելի քիչ է, քան անցած տարի։ Շիրակում՝ 5-15, Կոտայքում՝ 8-20 սանտիմետր, ամենաբարձրն Ապարանում է՝ 30 եւ Ջերմուկում՝ 35 սանտիմետր։
Հունվարի առաջին տասնօրյակը լինելու է առանց տեղումների։
