ՌԴ ԱԴԾ-ն կանխել է ահաբեկչական հարձակումները, որոնք պատրաստվում էին ՊՆ բարձրաստիճան սպայի և զինվորական բլոգերի դեմ։ Այս մասին հայտնում են գերատեսչության Հասարակայնության հետ կապերի կենտրոնից, գրում է Sputnik-ը:ԱԴԾ-ի տվյալներով Ռուսաստանի քաղաքացի է ձերբակալվել՝ ուկրաինական ռազմական հետախուզության ցուցումներով ահաբեկչություններ կազմակերպելու համար։
«Անվտանգության դաշնային ծառայությունը կանխել է ահաբեկչական գործողությունները, որոնք ծրագրել էին ուկրաինական հատուկ ծառայությունները ՌԴ ՊՆ բարձրաստիճան սպաներից մեկի և հատուկ ռազմական գործողության իրադարձությունները լուսաբանող զինվորական բլոգերի դեմ», - հայտնում է ՔՀԿ-ն։Ծառայության տվյալներով՝ ձերբակալվածը Telegram մեսենջերի միջոցով կապ է հաստատել Ուկրաինայի գլխավոր հետախուզական վարչության Անդրեյ անունով աշխատակցի հետ։
Հետևելով կուրատորի ցուցումներին՝ հարձակվողը Մոսկվայի մարզում գտնվող պահոցից ինքնաշեն պայթուցիկ սարք է հանել։ Մոտ մեկուկես կիլոգրամ տրոտիլ հզորությամբ ռումբը քողարկվել է՝ որպես շարժական բարձրախոս և համալրված է եղել մագնիսական ամրակով, ինչպես նաև մետաղական գնդակների տեսքով կործանարար տարրերով։Բացի այդ, կասկածյալը հետախուզություն է իրականացրել ենթադրյալ զոհերի բնակության վայրերում՝ հետագա հեռահար պայթյունի համար։Ներկայումս ձերբակալվածը համագործակցում է հետաքննության հետ։
Նրա ապօրինի գործունեությունը փաստելու ուղղությամբ օպերատիվ աշխատանքները շարունակվում են։
