Եմենի մայրաքաղաք Սանայում ուրբաթ օրը կրկին ավիահարվածների թիրախ է դարձել միջազգային օդանավակայանը, հաղորդում են մերձավորարևելյան լրատվամիջոցները։
Հարվածներից հետո, ըստ լրատվամիջոցների, մի քանի պայթյուն է որոտացել Սանայում։
Հութիներին պատկանող Al Masirah հեռուստաալիքի տվյալներով՝ Սանայի վրա օդային հարվածներ են հասցվել ԱՄՆ-ի և Մեծ Բրիտանիայի կողմից։ Ըստ հեռուստաալիքի՝ հարձակման թիրախը եղել է քաղաքի արևմուտքում գտնվող Մայն վարչական շրջանը։ Al Arabiya և Al Hadath հեռուստաալիքները պնդում են, որ հարվածներ են հասցվել արտադրական օբյեկտներին, որտեղ հութիները զենք են հավաքում։ Հաղորդվում են նաև Առաջին զրահատանկային դիվիզիայի նախկին շտաբի վրա հարձակման և Եմենի հեռուստատեսության շենքի մոտ պայթյունների մասին։
