Չինաստանը հավանություն է տվել աշխարհի ամենամեծ ամբարտակի կառուցմանը, որը համարվում է աշխարհի ամենամեծ ենթակառուցվածքային նախագիծը, որի արժեքը կազմում է 137 միլիարդ ԱՄՆ դոլար: Այն կկառուցվի Տիբեթի Բրահմապուտրա գետի վրա՝ Հնդկաստանի հետ սահմանի մոտ, ինչը անհանգստություն է առաջացրել գետի ափամերձ նահանգներում՝ Հնդկաստանում և Բանգլադեշում։
Չինաստանի կառավարությունը հավանություն է տվել Յարլունգ Զանգբո գետի ստորին հոսանքին (Տիբեթյան անվանումը՝ Բրահմապուտրա) հիդրոէներգետիկ նախագծի կառուցմանը, ասվում է պետական «Սինհուա» լրատվական գործակալության հրապարակած պաշտոնական հայտարարության մեջ։
Պատնեշը նախատեսվում է կառուցել Հիմալայների հսկայական կիրճում, որտեղ Բրահմապուտրա գետը հսկայական շրջադարձ է կատարում։ Ամբարտակի վրա ընդհանուր ներդրումները կարող են գերազանցել մեկ տրիլիոն յուանը (137 միլիարդ ԱՄՆ դոլար)՝ սստվերելով մոլորակի ցանկացած այլ ենթակառուցվածքային նախագծի, ներառյալ չինական Three Gorges Dam-ը, որը համարվում է աշխարհում ամենամեծը, հինգշաբթի հաղորդում է South China Morning Post-ը:
2015 թվականին Չինաստանն արդեն շահագործման է հանձնել Տիբեթի ամենամեծ հիդրոէլեկտրակայանը՝ «Զամը»՝ 1,5 միլիարդ ԱՄՆ դոլար արժողությամբ։
