ԱՄՆ նորընտիր նախագահ Դոնալդ Թրամփը մեկնաբանել է ամերիկյան The Hill թերթում հրապարակված հոդվածը, որը Կոնգրեսին կոչ է անում արգելափակել իր վերադարձը իշխանության՝ վկայակոչելով Սահմանադրության 14-րդ ուղղման դրույթները։
«The Hill-ը փորձում է խռովությո՞ւն կազմակերպել»,-գրել է Թրամփն իր TRUTH Social սոցիալական ցանցում՝ արձագանքելով հրապարակմանը։
The Hill-ն ավելի վաղ կոչ էր արել Կոնգրեսին կիրառել իր սահմանադրական լիազորությունները՝ Թրամփի պաշտոնավարումը արգելափակելու համար:
Հոդվածի հեղինակներ՝ փաստաբաններ Էվան Դևիսը և Դեյվիդ Շուլտը, ասել են, որ Թրամփի գործողությունները վերաբերում են 14-րդ ուղղման 3-րդ կետին, որն արգելում է մարդկանց, ովքեր մասնակցել են ապստամբությանը կամ օգնություն են ցուցաբերել Սահմանադրության թշնամիներին, զբաղեցնել պետական պաշտոններ:
