Սիրիայի ռազմական գործողությունների հրամանատարությունը երկրի ՆԳՆ-ի հետ համատեղ հայտարարել է Տարտուս նահանգը Դամասկոսի նոր իշխանություններին հակադրվող զինված խմբավորումներից մաքրելու գործողություն սկսելու մասին, հայտնում է սիրիական SANA գործակալությունը։
Հինգշաբթի գիշերը Սիրիայի ժամանակավոր կառավարության ներքին գործերի նախարարությունը հայտարարել է Տարտուսի արվարձանում իր 14 աշխատակիցների մահվան մասին դարանակալման հետևանքով, որը ենթադրաբար իրականացրել են երկրի նախկին առաջնորդ Բաշար ալ-Ասադի կողմնակիցները։
«Ռազմական գործողությունների հրամանատարությունը Ներքին գործերի նախարարության հետ համատեղ գործողություն է սկսել՝ ապահովելու խաղաղություն և անվտանգություն՝ հետապնդելով Ասադի ոստիկանությանը Տարտուսի անտառապատ և լեռնային շրջաններում»,- գրում է գործակալությունը։
Գործակալության տվյալներով՝ գործողության շրջանակներում արդեն սպանվել են զինված ուժերի մի քանի անդամներ։ Մյուսների հետապնդումը շարունակվում է։
