Ղազախստանում աղետի ենթարկված ադրբեջանական ավիաուղիների ինքնաթիռում բալոնի պայթյուն է տեղի ունեցել, այս մասին հաղորդում է «Կազինֆորմ» լրատվական գործակալությունը՝ վկայակոչելով Ղազախստանի Մանգիստաուի շրջանի Առողջապահության վարչությունը։
«Դեկտեմբերի 25-ին ժամը 10:58-ին ստացվել է 1-ին կատեգորիայի շտապ կանչ (ինքնաթիռում բալոն է պայթել): Ուղարկվել են շտապ օգնության 22 բրիգադ և Աղետների բժշկական կենտրոնի 6 բրիգադ», - հայտնել է վարչության պետը:Բալոնի պայթյունի վերաբերյալ այլ մանրամասներ չեն հաղորդվել։Նաև նշվում է, որ դեպքի վայրում արձանագրվել է 4 զոհի մարմնի հայտնաբերումը։
Բաքվից Գրոզնի մեկնող ինքնաթիռն աղետի ազդանշան է տվել Կասպից ծովի վրայով թռչելիս, որից հետո այն փոխել է ուղղությունը և մեկնել Ղազախստան՝ հարկադիր վայրէջքի։ Ավելի վաղ հաղորդվում էր, որ ավիավթարի պատճառ է դարձել թռչունների երամի հետ բախումը։
Ինքնաթիռում գտնվել է 62 ուղևոր և անձնակազմի 5 անդամ։ Շուրջ 20 մարդ ողջ է մնացել։
