Ռուսաստանի նախագահ Վլադիմիր Պուտինը զանգահարել է Ադրբեջանի նախագահ Իլհամ Ալիևին և ցավակցություն հայտնել Ակտաուում ադրբեջանական ընկերության ավիավթարի կապակցությամբ, հայտնել է ՌԴ նախագահի մամուլի քարտուղար Դմիտրի Պեսկովը։
«Դժբախտաբար, Ադրբեջանի նախագահ Ալիևը ստիպված է եղել լքել Սանկտ Պետերբուրգը, Պուտինն արդեն զանգահարել է նրան և ցավակցություն հայտնել Ակտաուում ադրբեջանական ինքնաթիռի կործանման կապակցությամբ»,- ասել է Պեսկովը։
Բաքվից Գրոզնի թռչող ադրբեջանական ավիաուղիների ինքնաթիռը վթարի է ենթարկվել դեկտեմբերի 25-ի առավոտյան Ղազախստանի արեւմուտքում գտնվող Ակտաու քաղաքի մոտ։
Օդային տրանսպորտի դաշնային գործակալության տվյալներով՝ այն բանից հետո, երբ ինքնաթիռը բախվել է թռչուններին, հրամանատարը որոշել է գնալ Աքտաուի այլընտրանքային օդանավակայան։
Նախնական տեղեկություններով՝ ինքնաթիռում եղել է 62 ուղեւոր և անձնակազմի հինգ անդամ։ Ղազախստանի առողջապահության նախարարության տվյալներով՝ ողջ է մնացել 28 մարդ։
