Երեքշաբթի օրը բողոքի ցույցեր են տեղի ունեցել Դամասկոսի մի շարք քրիստոնյա շրջաններում, հաղորդում են արևմտյան լրատվամիջոցները:
Ցուցարարները փողոց են դուրս եկել այն բանից հետո, երբ համացանցում հայտնվել է տեսանյութ, որտեղ երևում է, թե ինչպես են մի խումբ մարդիկ այրում Սիրիայի կենտրոնական Համա քաղաքի մոտ գտնվող տոնածառը։
Ցուցարարները, մասնավորապես, պահանջել են ապահովել քրիստոնյաների իրավունքները։
Արևմտյան լրատվամիջոցները նշում են, որ Սիրիայում «Հայաթ Թահրիր ալ-Շամ» խմբավորման իշխանության գալը անհանգստություն է առաջացրել Սիրիայի Արաբական Հանրապետության կրոնական փոքրամասնությունների մոտ։ Սակայն շարժման ղեկավարությունը վստահեցրել է, որ հարգելու է բոլոր կրոնները։
Բացի այդ, «Հայաթ Թահրիր ալ-Շամը» երեքշաբթի հայտարարել է, որ Սուրբ Ծննդյան խորհրդանիշն այրողները «սիրիացի չեն» և խոստացել է պատժել մեղավորներին:
Արևմտյան աշխարհի քրիստոնյաները Սուրբ Ծնունդը նշում են դեկտեմբերի 25-ի գիշերը:
