Մայա Սանդուն իր պարտականությունները ստանձնել է Մոլդովայի նախագահի երկրորդ մանդատի շրջանակներում։ Երդմնակալության հանդիսավոր արարողության ժամանակ, որը տեղի ունեցավ պատգամավորների, Սահմանադրական դատարանի անդամների և օտարերկրյա դիվանագետների ներկայությամբ, նա երդվեց Հանրապետության Սահմանադրությանը։ Միջոցառումը հեռարձակում է Մոլդովա-1 հեռուստաալիքը։
«Ես երդվում եմ տալ իմ ողջ ուժն ու կարողությունները՝ հանուն Մոլդովայի Հանրապետության բարգավաճման, երկրի սահմանադրությանը և օրենքներին համապատասխանելու, ժողովրդավարության, մարդու հիմնարար իրավունքների և ազատությունների, ինքնիշխանության, անկախության, միասնության և տարածքային պաշտպանության համար», -ասել է Սանդուն երդման տեքստում:
Արարողությունը սկսվել է Մոլդովայի օրհներգի կատարմամբ, որից հետո Սահմանադրական դատարանի նախագահ Դոմնիկա Մանոլեն ընթերցել է նախագահական ընտրությունների արդյունքները հաստատող որոշումը։ Այնուհետև Սանդուն երդվել է, որից հետո Մանոլեն հայտարարել է, որ «Սանդուն պաշտոնապես ստանձնել է Մոլդովայի Հանրապետության նախագահի պաշտոնը»։
Մոլդովայի օրենսդրության համաձայն՝ նույն անձը չի կարող զբաղեցնել նախագահի պաշտոնը երկու ժամկետից ավելի անընդմեջ։
