Իսրայելի պաշտպանության նախարարությունը Սլովակիայի իշխանությունների հետ համաձայնագիր է ստորագրել Բրատիսլավային Barak MX հակաօդային պաշտպանության համակարգ վաճառելու շուրջ, այս մասին հաղորդում է The Times of Israel-ը։
Իսրայելի պաշտպանության նախարարությունը գործարքը համարել է ուղենիշային՝ հայտնելով, որ սա ներկայում Սլովակիայի հետ խոշորագույն համաձայնագիրն է պաշտպանական արտադրանքի արտահանման ոլորտում։
Պայմանագրի գումարը կազմում է 560 մլն եվրո։Barak MX հակաօդային պաշտպանության համակարգը, որն արտադրվում է Israel Aerospace Industries կոնցեռնի կողմից, նախատեսված է օդային տարբեր թիրախների խոցման համար, ներառյալ՝ կործանիչների, ուղղաթիռների, անօդաչու թռչող սարքերի, թևավոր և զենիթային հրթիռների, մարտավարական հրթիռների:
Barak MX-ը հանդերձված է երեք մարտկոցով՝ կալանիչ հրթիռներով, որոնք կարող են գործել 35-ից 150 կմ հեռավորության վրա:
