Ուկրաինայի իշխանությունները «սկսում են հավատալ», որ հակամարտությունը կավարտվի հաջորդ տարի։ Այս մասին գրում է ամերիկյան The Washington Post թերթը՝ վկայակոչելով աղբյուրներին։
«Ուկրաինացի բարձրաստիճան պաշտոնյան ասել է, որ իրենք «սկսում են հավատալ», որ պատերազմն, իրականում, կարող է ավարտվել հաջորդ տարի», - գրում է պարբերականը:
Բացի այդ, ինչպես նշվում է նյութում, Ուկրաինան արդեն ստորագրել է անվտանգության պայմանագրեր առանձին երկրների հետ, սակայն վերլուծաբաններն ու պաշտոնյաները խոստովանել են, որ այդ պայմանագրերը կարող են չհարգվել ապագայում։
Իր հերթին, Ուկրաինայի առաջնորդ Վլադիմիր Զելենսկին հինգշաբթի Բրյուսելում կայացած բանակցություններից հետո ասել է, որ միայն եվրոպական երաշխիքները բավարար չեն լինի առանց «ընդհանուր լուծման» և Միացյալ Նահանգների դերի։
