Լեհաստանի վարչապետ Դոնալդ Տուսկը նախագահ Անջեյ Դուդայից և ընդդիմադիր «Օրենք և արդարություն» (PiS) կուսակցությունից պահանջել է աջակցել ներգաղթի մասին օրենքների խստացմանը՝ կապված դեկտեմբերի 20-ին Գերմանիայի Մագդեբուրգ քաղաքում տեղի ունեցած ահաբեկչության հետ։
Ավելի վաղ Դուդան և PiS-ը կտրուկ քննադատել էին Տուսկի միգրացիոն նոր ռազմավարությունը՝ ընդգծելով, որ այն հարվածելու է բելառուսական ընդդիմությանը, այլ ոչ թե անօրինական միգրանտներին։
«Մագդեբուրգում տեղի ունեցած ահաբեկչությունից հետո այսօր ես ակնկալում եմ Լեհաստանի նախագահ Անջեյ Դուդայի և «Օրենք և արդարություն» կուսակցության հստակ հայտարարությունը՝ վիզաների և ապաստանի մասին օրենքները խստացնելու կառավարության միջոցառումների փաթեթին աջակցելու վերաբերյալ։
Հոկտեմբերի 15-ին Լեհաստանի կառավարությունը հաստատել է հանրապետության միգրացիոն ռազմավարությունը մինչեւ 2030թ. Դրա կետերից մեկը կլինի Բելառուսի հետ սահմանին ապաստանի իրավունքի կասեցումը անօրինական միգրանտների համար։ Բացի այդ, նախատեսվում է խստացնել ուսումնական եւ աշխատանքային վիզաների տրամադրումը։
