Թուրքիայի նախագահ Ռեջեփ Թայիփ Էրդողանը հույսը դնում է Սիրիայի հարցով ԱՄՆ նորընտիր նախագահ Դոնալդ Թրամփի հետ բանակցությունների վրա, երբ նա ստանձնել է իր պաշտոնը և դրանք կարևոր է համարում տարածաշրջանի համար։
«Իմ կարծիքով, Սիրիան շատ ամուր տեղ կզբաղեցնի իսլամական աշխարհում, եթե իրապես կայուն կառույց ստեղծի այս նոր միավորի հետ, այսօր ավելի քան 30 միլիոն բնակչություն ունեցող Սիրիան չի կարող անտեսվել:
Բանակցությունները, որոնք մենք վարելու ենք Ամերիկայի Միացյալ Նահանգների հետ պարոն Դոնալդ Թրամփի պաշտոնավարումից հետո, շատ կարևոր են։ Ինձ ամենաշատը ուրախացնում է այն, որ ինչպես իսլամական աշխարհի, այնպես էլ Արևմուտքի շատ երկրներ զարգացնում են իրենց շփումները պարոն Ջուլանիի հետ։
Սա նույնպես նոր վարչակազմի նկատմամբ վստահության նշան է։ Հուսով եմ, որ նոր ժամանակաշրջանում Սիրիան բոլորովին այլ լույսի ներքո կհայտնվի»,- Կահիրեից վերադառնալուց հետո ինքնաթիռում լրագրողներին ասել է թուրք առաջնորդը։
