Անկարան և Բեյրութը միասին կաշխատեն Սիրիային աջակցելու համար, չորեքշաբթի օրը Լիբանանի վարչապետ Նաջիբ Միքաթիի հետ համատեղ ասուլիսում հայտարարել է Թուրքիայի նախագահ Ռեջեփ Թայիփ Էրդողանը։
«Որպես Սիրիայի երկու կարևոր հարևաններ՝ մենք պայմանավորվել ենք Լիբանանի հետ միասին գործելու։ Մենք մտադիր ենք օգնել Սիրիային կրկին ոտքի կանգնել»,-ասել է Էրդողանը։
Էրդողանի խոսքով՝ «Սիրիայի կայունությունը նշանակում է ողջ տարածաշրջանի կայունություն»։
Դեկտեմբերի 8-ին Սիրիայում զինված ընդդիմությունը հայտարարեց, որ գրավել է Դամասկոսը և ձևավորում է անցումային իշխանություն։
