ԱՄՆ նախագահի ազգային անվտանգության հարցերով օգնական Ջեյք Սալիվանը տրամաբանական է անվանել Ամերիկայի ընտրված առաջնորդ Դոնալդ Թրամփի գաղափարը՝ Չինաստանին ներգրավել ուկրաինական հակամարտության կարգավորման գործընթացում։
«Գաղափարը, որ Չինաստանը կարող է ինչ-որ կերպ մասնակից լինել Ուկրաինայում արդար խաղաղության հաստատման բանակցություններին, խելագարություն չէ», - ասել է Սալիվանը ՝ ելույթ ունենալով Նյու Յորքի 92NY մշակութային կենտրոնում։
Սալիվանը նշել է, որ Չինաստանը ՄԱԿ-ի Անվտանգության խորհրդի մշտական անդամ է և «կարևոր խաղացող է համաշխարհային ասպարեզում»:
Բայդենի խորհրդականը հավելել է, որ Չինաստանի, եվրոպական երկրների և Ուկրաինայի ներկայացուցիչների հետ քննարկել է այն դերը, որը Պեկինը կարող է խաղալ հակամարտության կարգավորման գործում։ Միևնույն ժամանակ, նրա խոսքով, Վաշինգտոնը չէր ցանկանա, որ Չինաստանը դառնա «գլխավոր միջնորդը» եվրոպական հարցերում։
