Սիրիայում տեղի ունեցած իրադարձություններն անսպասելի չէին, դրանք արտաքին ուժերի, այդ թվում՝ Իսրայելի գործողությունների արդյունք էին։
Նման կարծիք է հայտնել Իրանի արտգործնախարար Աբբաս Արաղչին լիբանանյան «Ան-Նահար» թերթին տված հարցազրույցում։
«Հակառակ մամուլում տիրող տրամադրություններին՝ ես անձամբ Սիրիայում տեղի ունեցածը անսպասելի չհամարեցի։ Իրադարձությունները, որոնք առաջին հայացքից հանկարծակի և արագ էին թվում, իրականում ունեին իրենց նախապատմությունը և արմատները առնվազն 10-12 տարի»,- ասել է Իրանի ԱԳՆ ղեկավարը։
Նա ընդգծել է, որ Իսրայելը «վերջին 14 ամիսների ընթացքում շարունակաբար հարձակումներ է գործել երկրի պաշտպանական ենթակառուցվածքների վրա՝ սիրիական կառավարությունը թուլացնելու նպատակով»։
