Գազայի հատվածում իսրայելական ուժերի գործողությունների արդյունքում վերջին 24 ժամվա ընթացքում առնվազն 52 պաղեստինցի է զոհվել, ավելի քան 200-ը վիրավորվել է։ Նման տվյալներ է հրապարակել անկլավի առողջապահության նախարարությունը։
«Վերջին 24 ժամվա ընթացքում 52 մարդ է զոհվել, 203-ը՝ վիրավորվել իսրայելական բանակի օդային հարձակումների և գնդակոծությունների հետևանքով»։
Գազայի առողջապահության նախարարությունը հավելել է, որ իր տվյալներով՝ 2023 թվականի հոկտեմբերից ի վեր, Գազայում, ընդհանուր առմամբ, զոհվել է 45028 մարդ, վիրավորվել՝ 106962 մարդ։
Իրավիճակը Մերձավոր Արևելքում կտրուկ վատթարացավ այն բանից հետո, երբ 2023 թվականի հոկտեմբերի 7-ին Գազայի հատվածից պաղեստինյան արմատական ՀԱՄԱՍ շարժման զինված կողմնակիցների ներթափանցումը Իսրայելի տարածք, ուղեկցվեց սահմանամերձ բնակավայրերի բնակիչների սպանությամբ և ավելի քան 240 պատանդ վերցնելով։
