Իսրայելի ռազմաօդային ուժերը գիշերը հարվածներ են հասցրել սիրիական Լաթակիայի և Տարտուսի նահանգների ռազմական օբյեկտներին, այս մասին «ՌԻԱ Նովոստի»-ին հայտնել են տեղական աղբյուրները։ «Իսրայելական ռազմական ավիացիան հրթիռային հարվածներ է հասցրել Սիրիայի արևմուտքում՝ Լաթակիայի և Տարտուսի նահանգներում գտնվող ռազմական օբյեկտներին: Տարտուսի և Լաթակիայի նահանգներում ուժեղ պայթյուններ են լսվել», - ասել են գործակալության զրուցակիցները։
Աղբյուրները նշել են, որ Իսրայելի ռազմաօդային ուժերը հարվածներ են հասցրել նաև ռազմական օբյեկտների Համայի և Հոմսի նահանգներում։ Անցյալ շաբաթ Իսրայելի ավիացիան լայնամասշտաբ հարվածներ է հասցրել ռազմակայանների, գիտահետազոտական կենտրոնների, պաշտպանական արդյունաբերության օբյեկտների Սիրիայի տարբեր նահանգներում։
Իսրայելը պնդում է, թե հարվածները հասցվել են, որպեսզի զենքերը չհայտնվեն արմատական կազմավորումների ձեռքում։Նոյեմբերի վերջից Սիրիայի հակակառավարական ուժերը գրավել են երկրի մի քանի խոշոր քաղաքներ։ Դեկտեմբերի 8-ին ընդդիմության ներկայացուցիչները մտել են Դամասկոս և պետական հեռուստատեսությամբ հայտարարել, որ վերահսկողություն են հաստատել երկրի վրա։ Սիրիայի ժամանակավոր կառավարությունն անցումային շրջանում ղեկավարում է Մուհամեդ ալ-Բաշիրը։
