Վրաստանի ՆԳՆ հատուկ ջոկատայիններն ամբողջությամբ դուրս են մղել ցուցարարներին Թբիլիսիի Ռուսթավելի պողոտայից, հայտնում է ՏԱՍՍ-ը։
Ոստիկանությունը կրկին արցունքաբեր գազ է կիրառել։ Ակցիայի 16 մասնակից է ձերբակալվել։ Ցուցարարները չեն դիմադրել իրավապահներին։
Ռուսթավելի պողոտայում ցուցարարների և ոստիկանների դիմակայությունը շարունակվել է ամբողջ գիշեր։
Ցուցարարներն այրել են աղբամաններ և փայտե աթոռներ՝ փորձելով հեռու մնալ իրավապահներից: Նրանց միջև ժամանակ առ ժամանակ բախումներ են ծագել։ Ոստիկանությունը ջրցան մեքենաներ և արցունքաբեր գազ է կիրառել։
