Հինգշաբթի իսրայելական զինվորականները ավիահարված են հասցրել Լիբանանի հարավին, որտեղ իսրայելական բանակը հայտնաբերել է լիբանանյան «Հըզբոլլահ» շարժման ակտիվության նշաններ:
«Որոշ ժամանակ առաջ ահաբեկիչների ակտիվություն են հայտնաբերվել հարավային Լիբանանում գտնվող «Հըզբոլլահի» կողմից միջին հեռահարության հրթիռներ պահելու համար նախատեսված օբյեկտում: Իսրայելի ռազմաօդային ուժերի հարվածը կանխել է սպառնալիքը»,- ասվում է Իսրայելի պաշտպանության բանակի հաղորդագրության մեջ, որը հրապարակվել է Telegram-ում։
Իսրայելի պաշտպանության բանակը նշել է, որ իսրայելական բանակը «պահպանում է իր ներկայությունը Լիբանանի հարավում և միջոցներ է ձեռնարկում ճնշելու հրադադարի համաձայնագրի խախտումները»։
Լիբանանյան LBCI հեռուստատեսությունը և ռադիոալիքը, վկայակոչելով լիբանանյան բանակի հայտարարությունը, հայտնում է, որ Իսրայելը «մի քանի անգամ խախտել է համաձայնագիրը» չորեքշաբթի և հինգշաբթի օրերին։ Ըստ լիբանանցի զինվորականների, այդ խախտումները ներառում են «օդային հարձակումներ, ինչպես նաև հարձակումներ լիբանանյան տարածքի վրա՝ տարբեր տեսակի զենքերի կիրառմամբ»:
Հինգշաբթի ավելի վաղ Իսրայելի պաշտպանության բանակի զինվորները կրակ են բացել Լիբանանի հարավում գտնվող Մարկաբա գյուղի մոտ, ինչի հետևանքով երկու մարդ վիրավորվել է։ Իսրայելի պաշտպանության բանակի տվյալներով՝ «կասկածելի անձանց խումբը մեքենաներով ժամանել է հարավային Լիբանանի փակ գոտի և խախտել հրադադարի պայմանները»։ Դրանից հետո իսրայելցի զինվորականները կրակ են բացել նրանց ուղղությամբ։
Իսրայելի բանակը և «Հըզբոլլահը» դադարեցրել են ռազմական գործողությունները նոյեմբերի 27-ին։ Կողմերը պայմանավորվել են, որ լիբանանյան բանակը կվերականգնի վերահսկողությունը Իսրայելի հետ սահմանակից տարածքների նկատմամբ, իսկ «Հըզբոլլահի» ուժերը կնահանջեն իսրայելա-լիբանանյան սահմանից մոտավորապես 40 կմ հեռավորության վրա։
Միաժամանակ, իսրայելական զինվորականները զգուշացրել են, որ վտանգի առաջացման դեպքում իրենց իրավունք են վերապահում կրակ բացել ենթադրյալ «Հըզբոլլահի» դիրքերի վրա։
