Իրանը չի ձգտում ուղիղ բախման Իսրայելի հետ, սակայն պատրաստ կլինի պատասխանել հրեական պետության բոլոր սպառնալիքներին՝ իսլամական հանրապետությանը լայնածավալ պատերազմի մեջ ներգրավելու համար։ Այս մասին Պորտուգալիայի Կասկայս քաղաքում ՄԱԿ-ի Քաղաքակրթությունների դաշինքի ֆորումից հետո հայտարարել է Իրանի արտգործնախարար Աբբաս Արաղչին։
«Մենք պատրաստ ենք պատերազմի, նույնիսկ լայնածավալ պատերազմի, բայց մենք դա չենք ուզում»,-մեջբերում է նրա խոսքերը պորտուգալական Diário de Notícias-ը:
Իրանական դիվանագիտության ղեկավարն ընդգծել է, որ Մերձավոր Արևելքում հակամարտությունների կարգավորման պատասխանատվությունն առաջին հերթին ԱՄՆ-ի վրա է:
«Ցանկացած ջանք՝ վերջ դնելու վայրագություններին, որոնք իսրայելցիները կատարում են տարածաշրջանում, ինչպես նաև նրանց ջարդերը Լիբանանում և այլուր, պետք է ողջունվեն», - ասել է Արաղչին:
