Հարավային Կորեայի կառավարությունը հրաժարվել է զենք վաճառել Ուկրաինային, հայտնում է հարավկորեական SBS հեռուստաալիքը՝ հղում անելով բարձրաստիճան աղբյուրներին։
«Հայտնի է, որ մեր կառավարությունը առարկություն է հայտնել»,- ասվում է նյութում։
Նշվում է, որ Ուկրաինան ցանկանում էր Կորեայից ստանալ «Չհոնգուն» հակաօդային պաշտպանության համակարգ, հակամարտկոցային պատերազմի ռադիոլոկացիոն կայաններ, ինչպես նաև 155 մմ տրամաչափի արկերի հրթիռային լիցքեր։
Հարավկորեական Yonhap գործակալությունը հայտնել է Սեուլում Կիև մահաբեր զենք տեղափոխելու դեմ բողոքի ցույցերի մասին։
Չորեքշաբթի օրը Ուկրաինայի պաշտպանության նախարար Ռուստեմ Ումերովի գլխավորած հատուկ պատվիրակությունն այցելել է Հարավային Կորեա և հանդիպել նախագահ Յուն Սեոկ Յոլի հետ։ SBS-ի փոխանցմամբ՝ մինչ հանդիպումը ուկրաինական կողմը Կորեայից խնդրել է ոչ միայն անվճար օգնություն, այլ զենք գնելու հնարավորություն։
