ՄԱԿ-ի կառույցներն ու գործակալությունները կշարունակեն հումանիտար օգնություն տրամադրել Լիբանանին Իսրայելի հետ հրադադարից հետո։ Այս մասին հայտնում է Լիբանանում ՄԱԿ-ի հումանիտար հարցերի համակարգման գրասենյակը (OCHA):
«ՄԱԿ-ը կշարունակի աջակցել Լիբանանի կառավարությանն ու գործընկերներին: Նոյեմբերի 27-ին՝ զինադադարի առաջին օրը, ՄԱԿ ՓԳՀ-ի 11 բեռնատարներ Բաալբեկի ավելի քան 3000 բնակիչների մատակարարեցին առաջին անհրաժեշտության պարագաներ՝ ներառյալ վերմակներ, ներքնակներ, ձմեռային բաճկոններ, սավաններ, արևային էներգիայով աշխատող լամպեր»,- նշվում է փաստաթղթում։
Սեպտեմբերի 23-ից կազմակերպությունը նմանատիպ օգնություն է ցուցաբերե,լ ընդհանուր առմամբ, 190 հազար լիբանանցիների։
Ինչպես նշվում է հայտարարության մեջ, հակամարտության զոհ է դարձել 3,8 հազար մարդ, ևս 15,8 հազարը վիրավորվել է, 900 հազարը դարձել է ներքին տեղահանված։
