Սպիտակ տան Ազգային անվտանգության խորհրդի Մերձավոր Արևելքի և Հյուսիսային Աֆրիկայի համակարգող Բրեթ Մաքգուրքը սաուդյան պաշտոնյաների հետ կքննարկի, թե ինչպես Իսրայելի հետ հնարավոր զինադադարը Լիբանանում կարող է օգնել մեղմել մարտերը Գազայի հատվածում:
Այս մասին հայտարարել է Սպիտակ տան մամուլի քարտուղարի տեղակալ Էնդրյու Բեյթսը։
«Բրեթ Մաքգուրքը, որը պարբերաբար մեկնում է Մերձավոր Արևելք, նոյեմբերի 26-ին կլինի Սաուդյան Արաբիայում, որտեղ կքննարկի Լիբանանում հրադադարի մասին հնարավոր համաձայնագրի օգտագործումը որպես Գազայի հատվածում հնարավոր հրադադարի կատալիզատոր և տարածաշրջանում կայունության ամրապնդում»,- ասել է Բեյթսը լրագրողների համար ճեպազրույցում։
Հարցին, թե ինչ կլինի, եթե Իսրայելի իշխանությունները չհաստատեն հրադադարը Լիբանանում, Բեյթսը պատասխանել է. «Ես չեմ մանրամասնի մեր դիվանագիտական խորհրդակցությունների մասին և չեմ շահարկի այն:
Բայց մենք շարունակում ենք դիվանագիտական կարգավորում փնտրել Կապույտ գծի երկայնքով (կապույտ գիծը սահմանն է Լիբանանի և Իսրայելի միջև՝ հիմնված դրա երկայնքով տեղակայված ՄԱԿ-ի խաղաղապահների սաղավարտների գույնի վրա)։
