Լեյբորիստական կառավարության քաղաքականությունից դժգոհության պատճառով Միացյալ Թագավորությունում նոր խորհրդարանական ընտրություններ անցկացնելու միջնորդագիրը ավելի քան երկու միլիոն ստորագրություն է սհավաքել, հայտնում է Միացյալ Թագավորության խորհրդարանի պաշտոնական կայքը։ Ժամը 15-ի դրությամբ խնդրագիրը արդեն ստորագրել էր ավելի քան 2 միլիոն բրիտանացի։ Խորհրդարանի կայքում խնդրագիր է տեղադրվել փաբի սեփականատեր Մայքլ Ուեսթվուդի կողմից, որտեղ նա բողոքում է, որ լեյբորիստները՝ վարչապետ Քիր Սթարմերի գլխավորությամբ, դրժել են նախորդ ընտրություններից առաջ տված խոստումները:
Հոկտեմբերի 25-ին YouGov-ի անցկացրած հարցումը ցույց է տվել, որ Միացյալ Թագավորության լեյբորիստական ներկայիս վարչապետ Քիր Սթարմերը 2007 թվականից ի վեր ամենավատ աշխատանքն է կատարում որպես կառավարության ղեկավար, ըստ հասարակական կարծիքի՝ զիջելով միայն պահպանողական Լիզ Թրասին: Վերջին խորհրդարանական ընտրությունները Բրիտանիայում կայացել են հուլիսի 4-ին, լեյբորիստները ստացել են 412 մանդատ՝ ապահովելով խորհրդարանում բացարձակ մեծամասնություն և հեռացնելով նախկինում իշխող պահպանողականներին։ Հաջորդ օրը լեյբորիստների առաջնորդ Քիր Սթարմերը պաշտոնապես դարձավ Միացյալ Թագավորության 58-րդ վարչապետը։
