Այսօր Ռումինիայում նախագահական ընտրություններ են, որոնք անցկացվում են հինգ տարին մեկ։ Ռումինիայի քաղաքացիներն ավելի ակտիվ են քվեարկում նախագահական ընտրություններին, քան 5 տարի առաջ՝ ժամը 18.00-ին, ընտրություններին մասնակցել է ընտրողների 36,76%-ը։ 2019 թվականին՝ այդ ժամի դրությամբ, ընտրողների մասնակցությունը կազմել է 33,44 տոկոս։
Երկրում ընտրողների մասնակցության շեմ չկա, ընտրությունները վավեր կճանաչվեն ցանկացած թվով մասնակիցների դեպքում:
Նախագահի պաշտոնին հավակնում է 13 թեկնածու՝ ՆԱՏՕ-ի գլխավոր քարտուղարի նախկին տեղակալ Միրչա Ջեոանեն, վարչապետ Մարսել Չիոլակուն, Սենատի նախագահ Նիկոլայ Չուկեն և այլոք։
Ռումինիայի օրենսդրության համաձայն՝ նախագահական ընտրություններում հաղթող է ճանաչվում ցուցակներում ընդգրկված ձայների կեսից ավելին ստացած թեկնածուն։ Եթե ձայները 50%-ից պակաս լինեն, ապա երկու շաբաթից կլինի ընտրությունների երկրորդ փուլ, որտեղ հաղթող է ճանաչվում պարզ մեծամասնություն ստացածը։ Ընտրատեղամասերը կփակվեն ժամը 23:00-ին։
