Ֆրանսիան նոր ուսումնական տարվանից կարգելի սոցիալական ցանցերի օգտագործումը՝ 15 տարին չլրացած անձանց համար, հայտնում է Agence France-Presse (AFP) գործակալությունը:«Երկու հոդվածից բաղկացած օրինագիծն ուղղված է 2026 թվականի սեպտեմբերի 1-ից առցանց հարթակների կողմից մինչև 15 տարեկան անչափահասներին սոցիալական ցանցերի ծառայությունների մատուցման արգելքին»,- ասված է հաղորդագրության մեջ:
Դեկտեմբերին Ֆրանսիայի նախագահ Էմանուել Մակրոնը հայտարարել է, որ երկրում անհրաժեշտ է արգելել 15-16 տարեկանից ցածր երեխաներին օգտվել սոցիալական ցանցերից: Պետության ղեկավարի խոսքով՝ բոլոր սոցցանցերում կներդրվի տարիքի պարտադիր ստուգում: Նշված տարիքից ցածր երեխաների և դեռահասների մուտքը ծառայություններ կարգելվի:Նոյեմբերին Եվրոպական խորհրդարանն ընդունել է բանաձև, որով առաջարկվում է սոցիալական ցանցերում գրանցվելու նվազագույն տարիքը սահմանել 16 տարեկանը:
