Դանիան որոշել է ընդլայնել պարտադիր զինվորական ծառայությունը՝ այն տարածելով նաև կանանց վրա։ Օրենքը, որն ընդունվել էր 2023-ի հունիսին, ուժի մեջ կմտնի 2025-ի հուլիսի 1-ից հետո ծնված կանանց համար․ նրանք կպարտավորվեն գրանցվել զինվորական ծառայության գնահատման օրերին, ինչպես դա արդեն արվում է տղամարդկանց դեպքում։
Մինչ այժմ կանայք կարող էին միանալ բանակին միայն կամավոր սկզբունքով։ 2024-ին նրանք կազմել են նորակոչիկների շուրջ 24%-ը։ Դանիայի զինված ուժերը պատրաստվում են բարելավել զորանոցներն ու զինվորական հանդերձանքը՝ դրանք համապատասխանեցնելով նաև կանանց։
Նպատակն է՝ ի պատասխան Եվրոպայում աճող ռազմական լարվածության, մինչև 2033 թվականը զինծառայողների թիվը հասցնել 7,500-ի՝ ներկայիս 5,000-ի փոխարեն։ 2026-ից սկսած ծառայության տևողությունը կբարձրանա՝ հասնելով 11 ամսվա, գրում է CNN-ը։
