Մեծ Բրիտանիայի կառավարությունը աշխատելու է Եվրամիության հետ համագործակցության վրա անվտանգության և պաշտպանական հարցերում՝ հաշվի առնելով ԱՄՆ-ի նախագահ Դոնալդ Թրամփի վարչակազմի անորոշ քաղաքականությունը։ Այս մասին Channel 4 հեռուստաալիքի հետ հարցազրույցում հայտնել է Միացյալ Թագավորության վարչապետ Քիր Սթարմերը։
«Եվրոպան պետք է ավելի շատ անի։ Մենք պետք է ավելի ուժեղ դիրք գրավենք անվտանգության հարցերում։ Եվ խնդիրը միայն ռազմական կարողություններն ու համակարգումը չեն. խոսքը գնում է ավելի լայն թեմաների՝ կիբերանվտանգություն, առևտուր, էներգետիկա։
Սա հաստատում է իմ տեսակետը, որ Բրիտանիան պետք է ավելի մոտ լինի Եվրոպային։ Մենք վարում ենք հրատապ բանակցություններ՝ ինչպես ամրապնդել պաշտպանության, անվտանգության և հետախուզության ոլորտներում համագործակցությունը Բրիտանիայի և ԵՄ-ի միջև», — նշել է նա։
Մեծ Բրիտանիայի ԵՄ-ից դուրս գալու ռեֆերանդումը տեղի է ունեցել 2016 թվականի հունիսի 23-ին։ ԵՄ անդամակցությունից հրաժարվելու կողմ քվեարկել է բնակչության 51,9%-ը, դեմ՝ 48,1%-ը։ Իրադարձություններից մի քանի տարի անց, երկիրը լքել է միությունը 2020 թվականի փետրվարի 1-ի գիշերը։
