Պաղեստինի նախագահ Մահմուդ Աբբասը Ռուսաստանի նախագահ Վլադիմիր Պուտինի հետ հանդիպման ընթացքում հայտարարել է, որ Ռուսաստանի Դաշնությունը համարում է իր երկրի մեծ բարեկամը։ Երկու առաջնորդների հանդիպման հեռարձակումը իրականացրել է «Ռոսիա-24» հեռուստաալիքը։
«Ռուսաստանը ավելի քան 50 տարի Պաղեստինի մեծ բարեկամն է։ Ամեն անգամ Մոսկվա այցելելիս մենք զգում ենք, որ մեր պետությունների միջև գոյություն ունի առանձնահատուկ հոգևոր կապ։ Մոսկվան մեր երկրորդ տունն է, այստեղ մենք ընկերների մեջ ենք», — ընդգծել է պաղեստինյան առաջնորդը։
Աբբասը հավելել է, որ Ռուսաստանի Դաշնությունը «միշտ զբաղեցրել է ամուր դիրք՝ ի պաշտպանություն պաղեստինյան ժողովրդի», ինչպես նաև հույս է հայտնել, որ Մոսկվայի աջակցությամբ հնարավոր կլինի հասնել «խաղաղության, որը կկառուցվի ՄԱԿ-ի բանաձևերի պահպանման հիման վրա»։
