Գրենլանդիան վաճառքի ենթակա չէ Միացյալ Նահանգներին, և դրա կարգավիճակը բացառապես Դանիայի Թագավորության հարցն է։ Այս կարծիքը հայտնել է Նիդեռլանդների վարչապետի պաշտոնակատար Դիկ Շոֆը՝ մեկնաբանելով կղզու նկատմամբ ԱՄՆ հետաքրքրության շուրջ բանավեճը։
«Ինչքան ես գիտեմ, Գրենլանդիան վաճառքի համար չէ։ Սա Դանիայի Թագավորությունն է, և ես միշտ հասկացել եմ, որ այն նման քայլի դիմելու մտադրություն չունի», - RTL հեռուստաընկերության եթերում ասել է Շոֆը։ Նա նաև ընդգծել է, որ Նիդեռլանդները լիովին աջակցում է Կոպենհագենի դիրքորոշմանը։
Հունվարի 21-ին Դավոսում կայացած Համաշխարհային տնտեսական ֆորումում իր ելույթում ԱՄՆ նախագահ Դոնալդ Թրամփը հայտարարեց, որ Միացյալ Նահանգները «շատ հիմար» է եղել Երկրորդ համաշխարհային պատերազմից հետո Գրենլանդիան Դանիային վերադարձնելու հարցում, և որ իր երկիրը մտադիր է հասնել Գրենլանդիայի Դանիայից փոխանցմանը՝ «Ոսկե գմբեթ» խոշորածավալ հրթիռային պաշտպանության համակարգի տեղակայման համար։
