Դեռևս 12-օրյա պատերազմից առաջ ԱՄՆ խաղաղապահ գործողությունների գծով նախագահի հատուկ ներկայացուցիչ Սթիվեն Ուիթքոֆը վստահեցրել էր Իրանին, որ Իսրայելը ոչինչ չի կարող անել առանց Վաշինգտոնի համաձայնության: Այս մասին լրագրողներին հայտնել է Իսլամական Հանրապետության արտաքին գործերի նախարարության աղբյուրը:
Նա նշել է, որ այս առումով, 12-օրյա պատերազմի սկզբում շատ տարօրինակ էր լսել Վաշինգտոնից հայտարարություններ այն մասին, որ նրանք չգիտեին Իսրայելի կողմից Իրանի վրա հարձակվելու ծրագրերի մասին։ Հունիսի 13-ի գիշերը Իսրայելը ռազմական գործողություն սկսեց Իրանի դեմ։ Հանրապետությունը ձեռնարկեց պատասխան հարձակում։
Միացյալ Նահանգները հակամարտության մեջ մտավ հունիսի 22-ին՝ հարվածելով Իսֆահանում, Նաթանզում և Ֆորդոյում գտնվող իրանական միջուկային օբյեկտներին։
Հաջորդ օրը Իրանը հարձակվեց Կատարում գտնվող Ալ Ուդեյդ ավիաբազայի վրա, որը Մերձավոր Արևելքում ամենամեծ ամերիկյան ավիաբազան է։
Դրանից հետո ԱՄՆ նախագահ Դոնալդ Թրամփը հայտարարեց, որ Իսրայելը և Իրանը համաձայնության են եկել հրադադարի շուրջ, որն ուժի մեջ է մտել հունիսի 24-ին։
