Թուրքիան կցանկանար Ուկրաինայում ռազմական գործողությունների հնարավորինս շուտ դադարեցում և կողմերի միջև համալիր բանակցությունների մեկնարկ։ Այդ մասին ասել է Թուրքիայի ԱԳ նախարար Հաքան Ֆիդանը՝ Ղրղզստանի ԱԳ նախարար Ժեենբեկ Կուլուբաևի հետ բանակցություններից հետո կայացած մամուլի ասուլիսում, հաղորդում է ՏԱՍՍ-ը:
«Մենք քննարկել ենք Ուկրաինայում շարունակվող պատերազմը, դրա հետևանքները և դրա վտանգավոր տարածման ռիսկը։ Ես պատմել եմ Ռուսաստան կատարած իմ վերջին այցի ընթացքում ստացած տպավորությունների և մեր գործընկերների հետ շփումներից հետո ստացած գնահատականների մասին։ Այսօր մենք կարծիքներ ենք փոխանակել այս հարցերի շուրջ։ Մեր նպատակն ու մեր ցանկությունը պատերազմը հնարավորինս շուտ ավարտելն ու համակողմանի խաղաղ բանակցություններ սկսելն է։ Եվ այս հարցում մենք միակարծիք ենք Ղրղզստանի հետ»,- ասել է նա։
