Մերձավոր Արևելքի հարցերով ԱՄՆ նախագահի հատուկ դեսպանորդ Սթիվ Ուիտկոֆը նախատեսում է հանդիպել ՀԱՄԱՍ-ի գլխավոր բանակցող Խալիլ ալ-Հայայի հետ, ինչը նպատակ ունի ցույց տալ Դոնալդ Թրամփի վարչակազմի շահագրգռվածությունը պաղեստինյան շարժման հետ ուղիղ կապի պահպանման հարցում, ուրբաթ օրը հաղորդել է New York Times-ը՝ հղում անելով աղբյուրներին։
Հրատարակության տվյալներով՝ հանդիպման օրը դեռևս որոշված չէ։ Զրուցակիցները նշել են, որ Ուիտկոֆը մտադիր է ալ-Հայյայի հետ քննարկել Գազայի հատվածում հրադադարի պահպանման հարցը։
Հոկտեմբերին Իսրայելը և ՀԱՄԱՍ-ը համաձայնության եկան հրադադարի և գերիների փոխանակման վերաբերյալ, որը ուժի մեջ է մնում՝ չնայած բռնության պարբերաբար բռնկումներին։
