Եվրամիությունը շարունակում է քննարկումները Միացյալ Նահանգների հետ կնքված սակագնային համաձայնագրի հիմնական տարրերի շուրջ, և առևտրային հակամարտությունը կարող է կրկին բռնկվել, գրում է Handelsblatt թերթը՝ հղում անելով Եվրահանձնաժողովի ներկայացուցչին և Եվրախորհրդարանի միջազգային առևտրի հանձնաժողովի նախագահին։
«Տրանսատլանտյան առևտրային հակամարտությունը սպառնում է կրկին բռնկվել։ Եվրոպական հանձնաժողովի խոսնակը հաստատել է, որ գործարքի հիմնական տարրերը դեռևս քննարկվում են ամերիկացիների հետ», - ասվում է հոդվածում։
Եվրախորհրդարանի միջազգային առևտրի հանձնաժողովի ղեկավար Բերնդ Լանգեի խոսքով՝ Եվրահանձնաժողովը, ըստ երևույթին, ավելի շատ զիջումների է գնացել, քան հաղորդվում էր, և Եվրախորհրդարանում չկա մեծամասնություն, որը պատրաստ լինի աջակցել գործարքին, գրում է թերթը։
