Բիատլոնի կրկնակի օլիմպիական չեմպիոն, գերմանուհի Լաուրա Դալմայերը մահացել է Պակիստանի լեռներում՝ քարաթափման հետևանքով։ Այս մասին հաղորդում է Bild-ը՝ հղում անելով DPA գործակալությանը։
Մարզիկի մարմինը գտել են փրկարարները։ Նա 31 տարեկան էր։
Դեպքը տեղի է ունեցել հուլիսի 28-ին։ Մարզիկը և նրա զուգընկերը քարաթափման մեջ են հայտնվել մոտ 5700 մետր բարձրության վրա։ Դալմայերը անմիջապես աղետի ազդանշան է ուղարկել, սակայն տարածքի հեռավորության պատճառով փրկարարական ուղղաթիռը կարողացել է դեպքի վայր հասնել միայն հուլիսի 29-ի առավոտյան։ Նույն օրվա երեկոյան որոնողական աշխատանքները դադարեցվել են մթնշաղի սկսվելու պատճառով։ Փրկարարները ենթադրել են, որ մարզիկը առնվազն լուրջ վնասվածքներ է ստացել։
Հուլիսի 30-ին փրկարարները խնդիրների են հանդիպել վատ եղանակային պայմանների պատճառով որոնողական աշխատանքներում։
31-ամյա Դալմայերը կարիերան ավարտեց 2019 թվականին։ Հարավային Կորեայի Փհենչհան քաղաքում 2018 թվականի Օլիմպիական խաղերում բիատլոնիստը ոսկե մեդալ նվաճեց սպրինտում և հետապնդման մրցավազքում։ Դալմայերը նաև յոթ անգամ աշխարհի չեմպիոն է, իսկ 2016/17 մրցաշրջանում նվաճեց Աշխարհի գավաթը։
Թարգմանությունը՝ Euromedia24.com-ի
