«Եվրոպական եռյակի» (Մեծ Բրիտանիա, Գերմանիա, Ֆրանսիա) հետ բանակցությունները կորցրել են իրենց իմաստը, քանի որ եվրոպացիները չեն կարողանում արդյունավետ քայլեր ձեռնարկել Իրանի միջուկային ծրագրի շուրջ ստեղծված ճգնաժամը լուծելու համար։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«Այժմ եվրոպացիների հետ բանակցելն իմաստ չունի, քանի որ նրանք չեն կարող վերացնել պատժամիջոցները կամ որևէ այլ բան անել։
Եթե նրանք փորձեն ներդնել Snapback մեխանիզմը (որը ենթադրում է ՄԱԿ-ի Անվտանգության խորհրդի կողմից Իրանի դեմ պատժամիջոցների վերականգնում ), դա նրանց համար վերջը կլինի», - ասել է նա բրիտանական Financial Times թերթին տված հարցազրույցում։
