Լեհաստանի վարչապետ Դոնալդ Տուսկը չի բացառել, որ կառավարության ղեկավարի պաշտոնում իրեն կարող է փոխարինել փոխվարչապետ և արտաքին գործերի նախարար Ռադոսլավ Սիկորսկին։
«Կլինի՞ արդյոք ինձ փոխարինող։ Ամեն ինչ հնարավոր է»,-TVN24-ի եթերում պատասխանել է Տուսկը, երբ հաղորդավարը հարցրել է, թե արդյոք նա պատրաստում է իրավահաջորդ։
««Ամեն ինչ» բառը ներառում է ամեն ինչ», - նշել է կաբինետի ղեկավարը՝ պատասխանելով այն հարցին, թե արդյոք Սիկորսկին կարող է փոխարինել իրեն մինչև կառավարության ժամկետի ավարտը։
Տուսկը վարչապետ դարձավ ութ տարվա ընդմիջումից հետո 2023 թվականի դեկտեմբերին՝ այդ տարվա հոկտեմբերի 15-ի ընտրություններից հետո ձևավորելով խորհրդարանական մեծամասնություն ձախակենտրոն կոալիցիայի շրջանակներում։ Սիկորսկին Տուսկի կաբինետում ստացավ արտաքին գործերի նախարարի պաշտոնը։
