Ճապոնիայի նոր վարչապետ Շիգերու Իշիբան պատրաստակամություն է հայտնել հանդիպել Հյուսիսային Կորեայի առաջնորդ Կիմ Չեն Ընի հետ՝ Հյուսիսային Կորեայի հետախուզության կողմից առևանգված Ճապոնիայի քաղաքացիների հարցը լուծելու համար:
«Շատ կարևոր է, որ երկու երկրների ղեկավարները արտահայտեն իրենց դիրքորոշումները այս հարցում»,- ասել է Իշիբան՝ առևանգվածների ընտանիքների հետ հանդիպման ժամանակ։ Նրա խոսքերը մեջբերում է Kyodo գործակալությունը։ Ավելի վաղ, խորհրդարանում՝ իր առաջին հիմնական ելույթի ժամանակ, Իշիբան, ի տարբերություն իր նախորդների, չէր նշել Կիմ Չեն Ընի հետ հանդիպելու պատրաստակամության մասին։
Առաջին անգամ Սինձո Աբեն իր վճռականությունն է հայտնել 2018 թվականին առանց նախապայմանների հանդիպել ԿԺԴՀ-ի ղեկավարի հետ, որից հետո այս դիրքորոշումը հետևողական է դարձել Ճապոնիայի կառավարության համար։ Այն ժամանակ նույնիսկ քննարկվում էր Ճապոնիայի վարչապետի ԿԺԴՀ այցի հնարավորությունը, սակայն այն երբեք տեղի չունեցավ։
