ԱՄՆ Սենատը հաստատել է Քեշ Պատելի թեկնածությունը ԱՄՆ Հետաքննությունների դաշնային բյուրոյի (ՀԴԲ) տնօրենի պաշտոնում։ Քվեարկությունը հեռարձակել է C-SPAN-ը։ԱՄՆ նախագահ Դոնալդ Թրամփի կողմից ՀԴԲ տնօրենի պաշտոնում առաջադրված թեկնածությունը պաշտպանել է 51 սենատոր, դեմ է եղել 49 օրենսդիր։
Ավելի վաղ Պատելը հաղթահարել էր հերթական ընթացակարգային քվեարկությունը ԱՄՆ Կոնգրեսի վերին պալատում։ Սպասվում է, որ նա շուտով երդում կտա։Պատելի թեկնածությունը հաստատվել է 10 տարի ժամկետով։
The Washington Post-ն ընդգծում է, որ ՀԴԲ-ի երեք նախկին ղեկավարների թեկնածությունները հաստատվել են Սենատում՝ առնվազն 92 օրենսդիրների աջակցությամբ։Փետրվարի 13-ին ԱՄՆ Սենատի դատական կոմիտեն առաջարկել է Պատելին հաստատել այդ պաշտոնում։
Հանրապետական Թրամփը, ով այժմ Միացյալ Նահանգների նախագահն է, 2024 թվականի նոյեմբերի վերջին Պատելի թեկնածությունն առաջադրեց ՀԴԲ-ի ղեկավարի պաշտոնում։
