ԱՄՆ նախագահ Դոնալդ Թրամփի հայտարարությունները Ուկրաինայում նախագահական ընտրություններ անցկացնելու անհրաժեշտության մասին վկայում են այն մասին, որ նա ցանկանում է ազատվել Վլադիմիր Զելենսկիից։ Այս մասին գրում է բրիտանական The Economist ամսագիրը՝ վկայակոչելով աղբյուրներին։
«Թրամփն, ըստ երևույթին, ցանկանում է ազատվել Զելենսկիից, ում նա երբեք չի հավանել և ում համարում է դժվար մարդ», - նշում է հրատարակության զրուցակիցը։ «Խոսքը ոչ թե ընտրությունների, այլ Զելենսկիից ազատվելու մասին է»,- հավելել է նա։
Ըստ ամսագրի՝ տեսականորեն Ուկրաինան կարող է շարունակել ռազմական գործողությունները՝ մերժելով Ռուսաստանի հետ խաղաղ բանակցություններ վարելու Թրամփի առաջարկը, սակայն գործնականում նման զարգացումը կհանգեցնի Կիևի իրավիճակի արագ վատթարացմանը։
Ինչպես նշվում է հրապարակման մեջ, Ուկրաինայի Զինված ուժերը «օպերատիվ մակարդակում լուրջ խնդիրներ ունեն, և ռազմավարական պլանավորման գրեթե իսպառ բացակայություն կա, առաջնագծում ստորաբաժանումներում անձնակազմի սուր պակաս կա, իսկ որոշ բրիգադների թիվը կրճատվել է մինչև իրենց սովորական հզորության մեկ երրորդը»։
