Բելառուսը դրական է գնահատում ուկրաինական ճգնաժամի կարգավորման ուղղությամբ արվող փորձերը։ Այս մասին լրագրողներին հայտնել է Բելառուսի ՊՆ միջազգային ռազմական համագործակցության վարչության պետ Վալերի Ռեվենկոն։
«Մենք տեսնում ենք, որ ներկայումս մեծ տեղաշարժեր են տեղի ունենում աշխարհաքաղաքականության մեջ։ Այս տեղաշարժերը պայմանավորված են այն բանով, թե ինչպես է փոխվում ԱՄՆ-ի քաղաքականությունը, որ Ուկրաինայում խաղաղություն է կառուցվում կամ քայլեր են ձեռնարկվում»։
«Միևնույն ժամանակ, մենք բավականին ուշադիր հետևում ենք Եվրոպայում տեղի ունեցող գործընթացներին և, ցավոք, դեռ այնքան էլ լավատես չենք նրանց գործողությունների և քայլերի վերաբերյալ», - ասել է ՊՆ ներկայացուցիչը։
Նա հիշեցրել է, որ «օրինակ, անցյալ տարի Լեհաստանում բացվեց հակահրթիռային պաշտպանության երկրորդ բազան, որը կշարունակի գործել»։
