Վրաստանն անընդունելի է համարում Անդրկովկասի շուրջ բանակցությունների «երեք գումարած երեք» ձևաչափը՝ դրանում ռուսական կողմի մասնակցության պատճառով, լրագրողներին ասել է իշխող «Վրացական երազանք» կուսակցության պատգամավոր Լևան Մաչավարիանին։
«Երեք գումարած երեք» բանակցային ձևաչափը ենթադրում է Հարավային Կովկասի երեք երկրների, ինչպես նաև Ռուսաստանի, Իրանի և Թուրքիայի մասնակցությունը։
Ռուսաստանի արտգործնախարար Սերգեյ Լավրովն ավելի վաղ հայտարարել էր, որ Վրաստանի համար «երեք գումարած երեք» ձևաչափով դռները բաց են։
