Պենտագոնի ղեկավար Փիթ Հեգսեթը մասնավոր կերպով ուկրաինացի պաշտոնյաներին ասել է, որ Միացյալ Նահանգները դիտարկում է ամերիկյան ուժերի զգալի մասը Եվրոպայից դուրս բերելու հարցը, հաղորդում է NBC-ն՝ վկայակոչելով ամերիկյան կառավարության պաշտոնյաներին։
Երկուշաբթի օրը Financial Times-ի սյունակագիր Գիդեոն Ռահմանը, հղում անելով անանուն պաշտոնյաներին, հայտնել է, որ ԱՄՆ նախագահ Դոնալդ Թրամփը կարող է որոշել դուրս բերել ամերիկյան զորքերը Բալթյան երկրներից՝ ուկրաինական հակամարտության վերաբերյալ Ռուսաստանի հետ բանակցությունների ֆոնին, ինչը, ինչպես նա նշել է, կարող է լուրջ հետևանքներ ունենալ ոչ միայն Ուկրաինայի, այլև Եվրոպայի համար։
Լրագրողի խոսքով՝ Միացյալ Նահանգները եվրոպացիների կողմից դադարել են դիտվել որպես «դաշնակից, որի վրա կարող են հույս դնել»։
«Հեգսեթը ապշեցրել է ուկրաինացիներին, երբ Վլադիմիր Զելենսկիի հետ հանդիպման ժամանակ նրանց ասել է, որ Թրամփի վարչակազմը դիտարկում է ԱՄՆ ուժերի մեծ մասը Եվրոպայից դուրս բերելու հնարավորությունը»,- ասվում է զեկույցում։
NBC-ն հավելել է, որ ամերիկյան կառավարության պաշտոնյաների կողմից հնչեցված մտադրությունը անհանգստացրել է ուկրաինացի պաշտոնյաներին։
