Հնդկաստանի արտաքին գործերի նախարար Սուբրահմանյամ Ջայշանքարը երկկողմ հանդիպումներ կունենա Ռուսաստանի և Չինաստանի գործընկերների հետ՝ Հարավային Աֆրիկայում G20-ի ԱԳ նախարարների հանդիպման շրջանակներում:
Նրանք նշել են, որ հանդիպումների կազմակերպումը կախված է նախարարների ժամանակացույցից։ Հնդկաստանի արտաքին գործերի նախարարությունը, հայտարարելով Ջայշանքարի Յոհաննեսբուրգ մեկնելու մասին, տեղեկացրել է, որ գերատեսչության ղեկավարը մի քանի երկկողմ հանդիպումներ է նախատեսում Հարավային Աֆրիկայում։
Ինչպես նշել է Հնդկաստանի ԱԳՆ-ն, «Ջայշանքարի մասնակցությունը հանդիպմանը կամրապնդի Հնդկաստանի փոխգործակցությունը G20-ի երկրների հետ և կբարձրացնի համաշխարհային հարավի հեղինակությունը այս կարևոր ֆորումում»:
Փետրվարի 20-ին Հարավային Աֆրիկայի խոշորագույն քաղաքում՝ Յոհանեսբուրգում, կսկսվի G20-ի երկրների արտաքին գործերի գերատեսչությունների ղեկավարների հանդիպումը։
