Բրազիլիայի արտաքին գործերի նախարար Մաուրո Վիեյրան հայտարարել է, որ Ռուսաստանի նախագահ Վլադիմիր Պուտինը ողջունելի հյուր է BRICS-ի գագաթնաժողովին, որը տեղի կունենա հուլիսին Ռիո դե Ժանեյրոյում։
Խոսելով BRICS-ում Բրազիլիայի նախագահության առաջնահերթությունների մասին՝ արտգործնախարարը կարևորել է համագործակցությունը կրթության և առողջապահության ոլորտներում։ «Եվ մենք կշարունակենք ընդունել նոր անդամներ», - ասել է դիվանագետը «El Pais» թերթին տված հարցազրույցում: «Խմբի ընդլայնումը որոշակի ժամանակ է պահանջում»:
Հարցին, թե Բրազիլիան ցանկանում է, որ Պուտինը մասնակցի հուլիսին կայանալիք BRICS-ի գագաթնաժողովին, Վիեյրան ասել է. «Եթե նա ցանկանա, կարող է գալ»: «Բոլոր անդամ երկրների ղեկավարները ողջունելի են [հյուրեր]»,- եզրափակել է նախարարը։
