Արտաքին գործերի նախարար Սերգեյ Լավրովը կատակով հիշատակել է Դանիան և Գրենլանդիան՝ հեգնանքով արձագանքելով ուկրաինական հակամարտության կարգավորման փոխզիջումների մասին լրագրողների հարցին։
Երկուշաբթի օրը Սերբիայի արտգործնախարար Մարկո Ջուրիչի հետ Լավրովի բանակցություններից հետո կայացած մամուլի ասուլիսում ամերիկյան CNN հեռուստաալիքի լրագրողը սկսել է իր հարցը ուկրաինական կարգավորման մասին՝ նշելով ԱՄՆ վարչակազմի հայտարարությունները երկու կողմերի համար լուրջ փոխզիջումների անհրաժեշտության մասին։
«Դուք Դանիայի և Գրենլանդիայի մասի՞ն եք խոսում»,-կատակով հարցրել է Լավրովը։
Հունվարի սկզբին Սպիտակ տան ղեկավարը հայտարարել էր նաև, որ Գրենլանդիան պետք է դառնա ԱՄՆ-ի մաս՝ Չինաստանի և Ռուսաստանի ազդեցությանը դիմակայելու համար։ Բացի այդ, Թրամփը ակտիվորեն առաջ է քաշում Պանամայի ջրանցքի նկատմամբ վերահսկողությունը վերադարձնելու նախաձեռնությունը։
