Սիրիայում քաոսային իրավիճակը կարող է «Իսլամական պետություն» ահաբեկչական խմբավորմանը հնարավորություն ընձեռել ակտիվանալու ուղի գտնել, կարծում է ԱՄՆ պաշտպանության փոխնախարար Դանիել Շապիրոն։
«Մենք գիտենք, որ Սիրիայում տիրող քաոսային և դինամիկ հանգամանքները կարող են հնարավորություն ընձեռել ԴԱԻՇ-ին ուժեղանալու, արտաքին գործողություններ պլանավորելու ուղի գտնելու, և մենք պարտավոր ենք աշխատել գործընկերների հետ՝ շարունակելու խաթարել ահաբեկիչների գործողությունները»,-ասել է նա՝ ելույթ ունենալով Բահրեյնի մայրաքաղաքում անցկացվող անվտանգության համաժողովում:
Ավելի վաղ Սիրիայում պետական հեռուստատեսությունը գրաված զինյալները եթեր էին դուրս եկել՝ պնդելով, որ իրենք վերահսկողություն են հաստատել երկրի վրա։ Սիրիայի վարչապետն ասել է, որ ինքը և մի քանի նախարար մնում են Սիրիայում, նրանք չգիտեն, թե որտեղ են երկրի նախագահը և պաշտպանության նախարարը:
