Սիրիայում տեղի ունեցող իրադարձությունները, որտեղ կառավարական ուժերը դիմադրում են գրոհայինների առաջխաղացմանը, աշխարհում բոլորի համար զարմանալի են: Նման կարծիք է հայտնել կառավարության ղեկավար, Կատարի արտաքին գործերի նախարար Մուհամեդ բեն Աբդել Ռահման Ալ Թանին։
«Իհարկե, ես կարծում եմ, որ աշխարհում բոլորը շատ զարմացած են այն ամենից, ինչ տեղի է ունենում վերջին մի քանի օրերին, զարմացած են ոչ թե բուն իրավիճակից, այլ նրանից, թե որքան արագ են դրանք զարգանում»,-ասել է նա՝ անդրադառնալով սիրիական իրադարձություններին։
«Մենք անհանգստացած ենք, որ դա մեզ կվերադարձնի ներքին բռնության, քաղաքացիական պատերազմի նախորդ ցիկլերին, և այն իսկապես սպառնում է Սիրիայի տարածքային ամբողջականությանը»,- նշել է նա։
